Ֆրանսիական Louis Vuitton Moet Hennessy (LVMH) ապրանքանիշը (LVMH) հայտարարել է, որ կարողացել է համաձայնության գալ ամերիկյան Tiffany & Co ոսկերչական ընկերության հետ: Գործարքի գինը կազմել է 16.2 միլիարդ դոլար, ասվում է LVMH-ի կայքում:
Վերջնական համաձայնագիրը ստորագրվել է ընկերությունների միջև: LVMH-ի կողմից Tiffany-ի ձեռքբերումը հաստատվել է երկու ընկերությունների տնօրենների խորհուրդների կողմից:
Գործարքը նախատեսվում է ավարտել 2020-ի կեսին:
«Tiffany-ի ձեռքբերումը կամրապնդի LVMH-ի դիրքերը ոսկերչական ոլորտում և հետագայում էլ ավելի կընդլայնի նրա ներկայությունը Միացյալ Նահանգներում»,- ասվում է հայտարարության մեջ:
LVMH ընկերությունների խմբի նախագահ Բեռնար Առնոյի խոսքերով, ապրանքանիշն ուրախ է ողջունել աննախադեպ ժառանգություն և համաշխարհային ոսկերչական աշխարհում եզակի դիրք ունեցող ընկերությանը, որն այժմ ընտանիքի մաս կկազմի: