Վրացական «Համարձակվիր» քաղաքացիական շարժման ակտիվիստները Թբիլիսիում նախագահի պալատի ցանկապատից շղթա և կողպեք են կախել՝ հաղորդում է «Ռուսթավի-2» հեռուստաալիքը:
Այս ակցիայով Վրաստանի քաղաքացիները իրենց դժգոհությունն են արտահայտում երկրի նախագահ Սալոմե Զուրաբիշվիլիի պասիվ դիրքորոշումից գոյություն ունեցող քաղաքական ճգնաժամի վերաբերյալ: Բողոքի ակցիայի մասնակիցները պետության ղեկավարին կոչ են անում դառնալ միջնորդ կառավարության ու ընդդիմության միջև և նպաստել նրանց երկխոսությանը:
Նշվում է, որ սկզբում ակտիվիստները ծրագրել էին շղթան և կողպեքը կախել անմիջապես պալատի դռնից, սակայն իրավապահ մարմինների աշխատակիցները նրանց կանգնեցրել են:
Հիշեցնենք, որ Վրաստանում նոյեմբերի 14-ին սկսվել են բողոքի ակցիաներ այն բանից հետո, երբ պատգամավորները չընդունեցին խոստացած սահմանադրական փոփոխությունները՝ խառը ընտրակարգից համամասնականի անցնելու վերաբերյալ:
