Դեբրեցենեում Հունգարիայի գիտությունների ակադեմիայի միջուկային ֆիզիկայի ինստիտուտի գիտնականները հայտարարել են ևս մեկ մասնիկի՝ X17-ի՝ այսպես կոչված «բնության հինգերորդ ուժի» հայտնաբերման մասին: Այդ մասին հայտնում է CNN-ը ՝ հղում անելով գիտնականների հոդվածին, որը տեղադրվել է գիտական հրատարակությունների arXiv.org գրադարանում:
Ինչպես նշվում է, հետազոտողները կարողացել են որոշել բոզոնի առկայությունը հելիումի ատոմների ձևավորմանը և քայքայմանը հետևելու շնորհիվ:
Հաղորդվում է, որ փորձի ընթացքում մասնիկները ճեղքվել են անսովոր անկյան տակ՝ 115 աստիճանում, ինչը չի կարելի բացատրել ֆիզիկայի հայտնի օրենքներով:
Ըստ առաջատար գիտնական Աթիլա Կրասնախորկաիի՝ սա երկրորդ անգամն էր, որ իր թիմին հաջողվել է արձանագրել նոր մասնիկը, որին նրանք տվել են X17 անվանումը, քանի որ դրա զանգվածը մոտավորապես 17 մեգաէլեկտրոնային վոլտ է (MeV)։