Տարիներ շարունակ ձգձգվում է Հրանտ Մաթևոսյանի թանգարանի շինարարության ավարտը, դրա պաշտոնական բացումը։
Անդրադառնալով խնդրին, «Հրանտ Մաթևոսյան» մշակութային հիմնադրամի տնօրեն Դավիթ Մաթևոսյանը նշել է, որ դուք հարցազրույցներից մեկում ասել եք, որ տեղից ելնողը հոր համար թանգարան է ուզում բացել։ Կմեկնաբանե՞ք՝ ինչ կոնտեքստում է ասվել այս ձևակերպումը, առհասարակ ի՞նչ եք նկատի ունեցել․ «Առաջին լրատվական»-ի հարցին ՀՀ կրթության, գիտության, մշակույթի և սպորտի նախարարի տեղակալ Նարինե Թուխիկյանը պատասխանեց․ «Փառք Աստծո, որ «Առավոտ»-ի հրապարակումը կա, և յուրաքանչյուր մարդ կարող է պրպտել արխիվում, գտնել այդ հրապարակումը և, բնականաբար, այնտեղ չտեսնել այն արտահայտությունը, ինչ որ մեջբերել է Դավիթ Մաթևոսյանը։ Ես շատ ցավում եմ, որ խոսքը կարելի է այդ չափ խեղաթյուրել, և, բնականաբար, ես ինձ թույլ չեմ տա նման արտահայտություն անել։ Այսինքն՝ սա այնքան աբսուրդ է և ինձ հետ կապ չունի։ Ըստ երևույթին՝ Դավիթ Մաթևոսյանն այդպես է հասկացել, կամ, չգիտես ինչի, գտել է, որ այդպես պետք է մեկնաբանի։ Ես ասել եմ՝ ինչպե՞ս ենք ապագայում գործելու թանգարանների հարցում, որովհետև շատ տաղանդավոր ժողովուրդ ենք, և, բնականաբար, բոլոր տաղանդների ժառանգները կուզեն իրենց նախնու համար թանգարան ունենալ՝ արդարացիորեն կուզեն։ Բայց արդյոք այդ թանգարանները կլինեն պետական։ Այս մասին է խոսակցությունը եղել։
Մենք այդ փոքր թանգարանների մասով մի փոքր հայեցակարգ ունենք, որը ներկայացրել ենք արդեն մեկ-երկու հոգու։ Այստեղ հարցը Հրանտ Մաթևոսյանի թանգարանը չէ։ Սեպտեմբերի 18-ին վարչապետի հետ հանդիպման ժամանակ ուղղակի հարց հնչեց՝ այսուհետև ինչպե՞ս ենք վարվելու։ Այո, Հրանտ Մաթևոսյանի թանգարանի երկու հարկն արդեն պատրաստ է, երրորդ հարկի շինարարական թույլտվությունը կա, և ինչպես նշեց վարչապետը՝ այդ 55 միլիոն դրամ գումարն էլ կա, բայց նա ցանկացավ իմանալ, թե ինչի համար է ծառայելու երրորդ հարկը, որի պատասխանն այդպես էլ չհնչեց»։
Մանրամասները՝ տեսանյութում։
