145 թաղվածներով գերեզմանոց է հայտնաբերվել Թամպա քաղաքի King High School դպրոցի տարածքում (Ֆլորիդա, ԱՄՆ): Այդ մասին հայտնում է Fox13-ը:
Այն հայտնաբերվել է գեոռադարի միջոցով: Տարածքը սկսել է ուսումնասիրվել դեռևս հոկտեմբերին, այն բանից հետո, երբ տեղեկություններ հայտնվեցին այդ տարածքում տեղացի աֆրոամերիկյան համայնքի անդամների թաղված լինելու մասին:
Ընդհանուր առմամբ, ենթադրաբար, այնտեղ կարող է թաղված լինել ավելի քան 230 մարդ: Այնտեղ վերջին հուղարկավորությունը տեղի է ունեցել մոտ 75 տարի առաջ: Նոր գերեզմաններ գտնելու դժվարությունները կապված են նաև այն փաստի հետ, որ թաղվածներից շատերը նորածիններ և փոքր երեխաներ են: