Երգչուհի Ալլա Պուգաչովան Կրեմլում ելույթ է ունեցել Ստաս Նամինի «Ծաղիկներ» խմբի 50-ամյակի կապակցությամբ՝ հայտնում է «Days.ru» պորտալը:
Երգչուհին «Ծաղիկներ»-ի հետ միասին կատարեց համերգի վերջին համարը՝ երգելով «Մենք ձեզ երջանկություն ենք մաղթում» երգը և այլ հիթեր:
Համերգից հետո լրագրողներից մեկը Պուգաչովային հարցրել է, արդյոք նա հիշո՞ւմ է իր երիտասարդությունը: «Իսկ ինչո՞ւ հիշել այն: Ես առանց այդ էլ երիտասարդ եմ»,- պատասխանել է Պուգաչովան:
2019 թվականին Ալլա Պուգաչովան կնշի իր 70-ամյակը: Ավելի վաղ նա հայտարարել էր, որ հաջորդ անգամ բեմ դուրս կգա մենահամերգով 80 տարեկան հասակում:
