Հաճելի ընտանեկան պարը միանգամայն այլ ընթացք է ստացել, երբ աղջիկն սկսել է թվերք պարել, իսկ հոր արձագանքն անգին է:
Կադրերում երևում է, որ դուստրը հոր հետ ուրախ պարում է աշխույժ երաժշտության ներքո: Աղետի ոչ մի նշան չի երևում, սակայն տասը վայրկյան անց փոքրիկը որոշում է ցույց տալ իր կարողություններն ու հմտությունները՝ պարի ոճը փոխելով թվերքի:
Դժբախտ հայրն իսկույն քարանում է տեղում և շփոթահար նայում դստերը՝ ամոթից ծածկելով դեմքը: Նման բան փոքրիկից նա հաստատ չէր սպասում:
Այնուհետև տղամարդը շրջվում է ու գնում՝ հավանաբար խորհելու, թե երեխայի դաստիարակության հարցում ինչն այնպես չի արել:
Իսկ Ցանցի օգտատերերը բաժանվել են երկու ճամբարի. մարդկանց մի մասը հայտարարել է, որ տեսանյութում ծիծաղելի ոչինչ չկա, և ահավոր է, որ այսքան փոքր տարիքում աղջիկը թվերք է պարում: Ահա թե ինչու մեկնաբանողները դատապարտել են մոր անզուսպ ծիծաղը և հորը խորհուրդ են տվել զբաղվել դստեր դաստիարակությամբ՝ հաղորդել է Sputnik-ը:
https://www.instagram.com/p/B1C6tZog7n5/?utm_source=ig_embed
