Եվրախորհրդի նախագահի պաշտոնից հեռացող Դոնալդ Տուսկը Եվրոպական ժողովրդական կուսակցության նոր ղեկավար է ընտրվել: Այս մասին հաղորդել է ԵԺԿ մամուլի ծառայությունը:
Քվեարկությունը կայացել է կուսակցության 24-րդ համագումարի ընթացքում, որը տեղի է ունենում Զագրեբում (Խորվաթիա):
Տուսկի օգտին քվեարկել է 491 պատվիրակ, ինչը կազմում է գրանցվածների ընդհանուր թվի 93 %-ը՝ 37 դեմ ձայնի դեպքում:
Քաղաքական գործիչը ԵԺԿ նախագահի պոստը կզբաղեցնի 2019-ի դեկտեմբերի 1-ից՝ այդ պաշտոնում փոխարինելով Ջոզեֆ Դոյլին:
Կուսակցության նոր ղեկավարը մտադիր է ակտիվորեն պայքարել պոպուլիզմի դեմ:
Տուսկը Եվրախորհրդի նախագահ էր ընտրվել 2014 թ.-ին և երկրորդ ժամկետով վերընտրվել՝ 2017-ին:
2007-2014 թվականներին նա եղել է Լեհաստանի վարչապետը:
Եվրախորհրդի նոր ղեկավար կդառնա Շարլ Միշելը, որը նախկինում զբաղեցնում էր Բելգիայի վարչապետի պաշտոնը:
