Wednesday, 28 07 2021
Ադրբեջանը ճնշումները շարունակում է՝ մտահոգվելով, որ Հայաստանը միջազգային աջակցությամբ խելքի է գալիս
Ֆիզուլիի շրջանում հայտնաբերվել և տարհանվել է ևս 2 հայ զինծառայողի աճյուն
ՄԱԿ ԱԽ. հարցեր և քայլեր դիմելուց առաջ
«Հայաստան» և «Պատիվ ունեմ» դաշինքները լիակատար աջակցություն են հայտնում Զինված ուժերին
Ինչ իրավիճակ է Գեղարքունիքի մարզի Վերին Շորժա հատվածում․ դեպի գյուղ մուտքը սահմանափակված է
ՇՀԿ-ի պաշտպանության նախարարները կքննարկեն Կենտրոնկան Ասիայի տարածաշրջանում անվտանգության հարցերը
17:40
ԱՀԿ-ում հայտնել են, որ աշխարհում COVID-19-ից մահացությունը մեկ շաբաթում ավելի քան 20 տոկոսով աճել Է
17:30
Բայդենը հուլիսի 29-ին կհայտարարի պետական ծառայողների պարտադիր պատվաստման մասին. CNN
Թուրքիայի, Պակիստանի և Ադրբեջանի խորհրդարանների նախագահները՝ ընդդեմ Հայաստանի
Երևան-Գյումրի-Վրաստանի սահման միջպետական ավտոճանապարհին կատարվում են հիմնանորոգման աշխատանքներ
17:00
Տոկիոյում կորոնավիրուսի դեպքերը կրկնապատկվել են
Կրասնոյարսկում արջը հարձակվել է զբոսաշրջիկների վրա․ կա զոհ
16:40
Աշխարհն առաջիկա 10 տարում շատ կփոխվի. Բայդեն
16:30
Տոկիո-2020. Լողորդ Վարսենիկ Մանուչարյանը չհաղթահարեց որակավորման փուլի արգելքը
16:20
Կորոնավիրուսով վարակման դեպքերի թիվն աշխարհում մեկ շաբաթում աճել է 8 տոկոսով
Արգիշտի Քյարամյանն ու ՌԴ դեսպանը քննարկել են երկու երկրների իրավապահ մարմինների համագործակցությանը վերաբերող հարցեր
16:00
ԱՀԿ-ն հայտնում է Դելտա շտամի տարածմամբ երկրների թվի աճի մասին
Ինչու Հայաստանը չի դիմում ՄԱԿ-ին. պարզաբանում է Ռուբեն Ռուբինյանը
Վերջին 24 ժամում Վրաստանում կորոնավիրուսից մահացել է 20 պացիենտ
Ռուսաստանը ցանկանում է մի բան՝ նոյեմբերի 10-ով ստորագրված ստատուս-քվոն երկար պահպանվի
Վարանդայի շրջանում աճյունների որոնողական աշխատանքներ են իրականացվում
Կոչ ենք անում բոլոր քաղաքական ուժերին ու գործիչներին ձեռնպահ մնալ այս փուլում որևէ արկածախնդիր հայտարարություն հնչեցնելուց
Բացեք քարտեզը նայեք․ մինչև Ֆրանսիան հասնի օգնության՝ Երևանն էլ չի լինի․ Դավիթ Բաբայան
ՊՆ-ն նախատեսում է պահեստազորայինների եռամսյա վարժական հավաքներ անցկացնել
Բաքվի մոտիվը. բանակցությունը կկայանա՞ ցանկացած «եղանակի»
Հայ-ադրբեջանական սահմանային գոտու լարվածության օջախները
14:55
Որակազրկել Ադրբեջանի օլիմպիական հավաքականին․ Ինչ տեղի կունենա Տոկիոյում․․․
Հայաստանը ստանձնելու է ՀԱՊԿ նախագահությունը. Ռուբինյան
Ոստիկանական բաժիններում շարունակում են անձանց խոշտանգել, ոչինչ չի փոխվել․ Արա Ղարագյոզյան
Ասկերանի շրջանում 90 առանձնատուն կկառուցվի տեղահանված արցախցիների համար

Իտալիայի քաղաքացիների որդեգրած ավելի քան 30 հայ երեխաները ողջ են. ԱՆ-ն վերահսկում է. ՀԺ

«Հայկական ժամանակ» թերթը գրում է. «ՀՀ արդարադատության նախարարությունը կոչված է պաշտպանելու օտարերկրյա որդեգրման ենթակա ՀՀ քաղաքացի հանդիսացող երեխաների իրավունքներն ու վերահսկել նրանց կյանքի հետագա բնականոն ընթացքը մինչև երեխայի որդեգրման 5 տարին լրանալը: «Երեխաների պաշտպանության և օտարերկրյա որդեգրման բնագավառում համագործակցության մասին» Հաագայի 1993 թվականի կոնվենցիայի շրջանակներում նախարարությունը հանդիսանում է գործող Կենտրոնական մարմին:

Նոյեմբերի 14-ին ՀՀ ազգային անվտանգության ծառայությունը հաղորդագրություն էր տարածել, որ 2016 -2018 թթ. Իտալիայի քաղաքացիները Հայաստանում, մեր երկրի օրենսդրության կոպիտ խախտմամբ, որդեգրել են ավելի քան 30 երեխաների: «Հայկական ժամանակը» ՀՀ արդարադատության նախարարությունից մասնավորապես հետաքրքրվեց, թե ինչպես է իրականացվում երեխաների խնամքի և անվտանգության, կրթության և առողջության իրավունքի իրացման վերահսկողությունը, ովքե՞ր և ի՞նչ պարբերականությամբ են այցելում Հայաստանից որդեգրված երեխաներին, արդյոք նրանք ողջ և առո՞ղջ են: Հայտնի է, որ ԱԱԾ նշված հաղորդագրությունից բացի, օտարերկրացիների կողմից որդեգրվող երեխաների խնդրին ավելի վաղ անդրադարձել էր այն ժամանակ փոխվարչապետ Արարատ Միրզոյանը՝ խոսելով պտտվող լուրերի մասին, թե որդեգրված երեխաների օրգանները վաճառվում են: Այս օրերին շատերն այդ երկու հայտարարություններն իրար կապեցին՝ մտահոգվելով ապօրինի որդեգրված երեխաների ճակատագրով:

«Որպես կանոն, մեր բոլոր գործընկեր պետությունների՝ ԱՄՆ-ի, Իտալիայի Հանրապետության, Շվեյցարիայի Համադաշնության, ինչպես նաև Ֆրանսիայի կենտրոնական մարմինները առանց պահանջի յուրաքանչյուր տարի մինչև որդեգրման 5 տարին լրանալը, իրենց ներկայացուցիչների կամ ՀՀ արտաքին գործերի նախարարության միջոցով ներկայացնում են որդեգրված երեխաների կյանքի պայմանների մասին հաշվետվություններ, որոնց միջոցով Կենտրոնական մարմինը ստանում է տեղեկություններ երեխայի մասին»,- պատասխանեցին արդարադատության նախարարությունից:

Միաժամանակ տեղեկացրեցին, որ մինչև այսօր որևէ բացասական զեկույց կամ տեղեկատվություն այդ երեխաների պայմանների մասին իրենք չեն ստացել: Իտալիայի Հանրապետության քաղաքացիների որդեգրած բոլոր երեխաները ողջ են:

Մեզ հայտնեցին, որ բացի պաշտոնական վերահսկողությունից, Կենտրոնական մարմին-արդարադատության նախարարությունն այսօր որդեգրված երեխաների մասին հավելյալ տեղեկություններ է ստանում նաև տվյալ երկրի իրենց գործընկերների և որդեգրող ընտանիքների մշտական կապի շնորհիվ: «Այս տարիների ընթացքում արդարադատության նախարարության ներկայացուցիչները նաև հրավիրվել են Իտալիայի Հանրապետություն որդեգրված ՀՀ քաղաքացի երեխաներին անձամբ տեսակցելու և նրանց հետ շփվելու նպատակով»,- տեղեկացրին գերատեսչությունից:

Մինչև այսօր Իտալիայի Հանրապետության կենտրոնական մարմնի կողմից ՀՀ-ից որդեգրված երեխաների ամենամյա հավաքներին մասնակցելու հրավեր են ստացել ընդամենը երկու անգամ:

Արդարադատության նախարարությունից հետաքրքրվեցինք, թե ԱԱԾ բացահայտումից հետո գուցե երևան են եկել ծնողներ, որոնք ցանկանում են հետ վերադարձնել ապօրինի կերպով որդեգրված իրենց երեխաներին: Եվ քանի որ ԱԱԾ հաղորդագրության մեջ ասվում էր, որ 2016-2018 թթ. ընթացքում ծննդատանը ծնողներից ապօրինաբար են ստացել երեխայի որդեգրման համաձայնություն, այս պահին քննարկվո՞ւմ է երեխաներին կենսաբանական ընտանիք վերադարձնելու խնդիրը և արդյո՞ք դա հնարավոր է:

Նախարարությունից մեզ առաջարկեցին չխախտելով ՀՀ Սահմանադրությամբ հռչակված անմեղության կանխավարկածի սկզբունքը, այդ հարցերին անդրադառնալ ԱԱԾ-ի տարածված հաղորդագրությամբ հարուցված քրեական գործի վարույթի ավարտից հետո: Ի դեպ, նախարարությունից հստակեցրին որդեգրված երեխաների թիվը՝ 37:

Մեզ չհաջողվեց պարզել, թե իտալացի որդեգրողները տեղյակ եղե՞լ են որդեգրման անօրինական գործընթացից թե ոչ, և արդյոք իրենք էլ ներգրավված են եղել դրանում:

Համաձայն ԱԱԾ հաղորդագրության՝ մանկաբարձական հաստատություններից մեկի աշխատակիցները երեխաների ծնողներից որդեգրման համաձայնություններ են ստացել սուտ տեղեկություններով և հոգեբանորեն ճնշելու եղանակով, առանձին դեպքերում նաև նորածնի հիվանդությունը չափազանցնելով: ՀՀ արդարադատության նախարարությունից հետաքրքրվեցինք, թե 2016-2018 թթ. Իտալիայի քաղաքացիների կողմից որդեգրված ՀՀ քաղաքացի հանդիսացող երեխաներից քանի՞սի անձնական գործում է նշված եղել բացարձակ առողջ և քանիսի դեպքում որոշակի հիվանդություններ:

Նախարարությունից պատասխանեցին. «37 երեխայի առողջական վիճակի մասին տեղեկանքների «ախտորոշում» հատվածում միայն երկու երեխաների առողջական վիճակի մասին տեղեկանքներն են պարունակում «պրակտիկ առողջ» բառակապակցությունը: Առողջական վիճակի մասին բոլոր այլ տեղեկանքներում դրանք բացակայում են»: Միաժամանակ տեղեկացրեցին, որ որդեգրման ենթակա երեխաների առողջական վիճակի կամ դրանց առավել մանրամասն բնորոշումների մասին Կենտրոնական մարմին ներկայացվող երեխայի անձնական գործում որևէ տեղեկանք չի պարունակվում:

«Արդարադատության նախարարությունը օտարերկրյա որդեգրման ենթակա ՀՀ քաղաքացի հանդիսացող երեխաների անձնական գործերը ստանում է բացառապես ՀՀ աշխատանքի և սոցիալական հարցերի նախարարությունից՝ երեխային որպես որդեգրման ենթակա հաշվառելուց 3 ամիս հետո:

Երեխայի անձնական գործում առողջական վիճակի մասին ներկայացվում է բժշկի կողմից տրված այն հաստատության տեղեկանքը, որտեղ երեխան գտնվել է խնամքի տակ»,- հայտնեցին արդարադատության նախարարությունից»:

Առավել մանրամասն՝ թերթի այսօրվա համարում:

Բաժիններ
Ուղիղ
Լրահոս
Որոնում