Երևանի քաղաքապետ Կարեն Կարապետյանի հրավիրած հերթական աշխատանքային խորհրդակցության ժամանակ ամփոփվել են հունիս ամսին մայրաքաղաքի վարչական շրջանների կողմից կատարված աշխատանքների վերլուծության արդյունքները: Սահմանված չափորոշիչներով ներկայացվել են քաղաքային տնտեսության տարբեր ոլորտներում վարչական շրջանների կողմից կատարված աշխատանքների գնահատականները:
Զեկուցվել է, որ վերլուծությունների համաձայն, 0-10 սանդղակում, ըստ ոլորտների, վարչական շրջանների կողմից կատարված աշխատանքների միջին գնահատականը հունիսին աճ է արձանագրել նախորդ ամիսների համեմատ: Հատուկ ուշադրություն հրավիրելով ֆինանսական մուտքերի վրա՝ քաղաքապետը հանձնարարել է հետևողական աշխատանք իրականացնել հավաքագրման ցուցանիշներն ապահովելու մասով և շարունակել գույքային հարկերի բազայի ճշտումները:
Վարչական շրջանների ղեկավարներին հանձնարարվել է հստակորեն իրականացնել իրենց պատվիրակված լիազորությունները՝ նպաստելով աշխատանքների ավելի արդյունավետ կազմակերպմանը: