Գիտնականները ձայնագրել են Երկրի մագնիսական դաշտի հնչողությունը Արեգակի վրա փոթորկի ժամանակ, գրում է Newsweek-ը:
Վերլուծելով Եվրոպական տիեզերական գործակալությանը պատկանող Cluster տիեզերանավի տվյալները, հետազոտողները պարզել են, որ արևային փոթորիկը «խորապես փոփոխում է» անմիջապես մագնիսական դաշտի տակ գտնվող տարածությունը:
«Այս հայտնագործությունը կարող է օգնել հնարավոր ավերիչ ազդեցությունը մեղմելու ուղիներ գտնել»,- ասել են գիտնականները:
Արևն անընդհատ լիցքավորված մասնիկների հոսք է արտանետում, որն արևային քամի են անվանում: Երկիրը դրանից պաշտպանված է մագնիսական դաշտով: Այն թույլ չի տալիս մասնիկներին մթնոլորտ ներթափանցել:
Այնուամենայնիվ, աստղի մակերևույթի վրա պայթյունները կարող են լիցքավորված մասնիկների և ճառագայթման հսկայական ամպ առաջացնել: Եթե դրանք ուղղված լինեն դեպի Երկիր, ապա դրանց հարվածը կարող է խափանել արբանյակային համակարգերը, առաջացնել անջատումներ և ազդել GPS համակարգերի վրա: Համարվում է, որ արևի հզոր փոթորիկն այսօր կարող է մարդկությանը տրիլիոն դոլարների կորուստներ պատճառել:
Հասկանալը, թե հատկապես ինչ է տեղի ունենում արևային փոթորկի ժամանակ, հնարավորություն կտա հետևանքների մեղմացման ռազմավարություն մշակել:
Ուսումնասիրության մեջ օգտագործվել են Cluster առաքելության տվյալները: 2001-2005 թվականներն ընկած ժամանակահատվածում նրա ուղեծրային սարքերը դիմացել են վեց արևային փոթորիկների և ձայնագրել են մագնիսական ալիքները, որոնք ձևավորվել են տարածաշրջանում, որտեղ Արևի մասնիկները բախվում են Երկրի հետ: Այս ալիքները վերածել են հաճախականությունների, որոնք մարդիկ կարողանում են լսել: Այսպիսով, հայտնվել է Երկրի մագնիսական դաշտի տարօրինակ «երգը»:
🔊 Turn up the volume! Our #Cluster mission has recorded the eerie ‘song’ generated in Earth’s magnetic field when hit by a solar storm ☀️💨🌍 #SpaceWeather
Details 👉 https://t.co/Ld27PkqKBE
👇 Data: @ESA_Cluster @LucileTurc et al; Audio: @martinarcher @QMUL / CC BY-SA 3.0 pic.twitter.com/AkX4wKaASg— ESA Science (@esascience) November 18, 2019
