Լուրեր
Քոչարյանի գործով մեղադրող դատախազը չի հեռացվի վարույթից. դատարանը մերժեց պաշտպաններին
  • 18:20
  • 2019-11-19
  • Դիտումներ՝ *

Երեւանի ընդհանուր իրավասության դատարանը մերժեց Ռոբերտ Քոչարյանի եւ մյուսների գործով դատախազ Պետրոս Պետրոսյանին բացարկ հայտնելու մասին պաշտպանական կողմի միջնորդությունները։ Որոշումը քիչ առաջ հրապարակեց նախագահող դատավոր Աննա Դանիբեկյանը։ Աշխատանքային օրվա ավարտով պայմանավորված՝ դատական նիստն ընդմիջվեց։ Հաջորդ դատական նիստը նշանակվել է նոյեմբերի 26-ին՝ ժամը13:00 -ին։

Ավելի վաղ հայտնել ենք, որ դատախազ Պետրոսյանին բացարկ հայտնելու միջնորդություն էր ներկայացրել Ռոբերտ Քոչարյանի պաշտպանական թիմը, որին միացան նաեւ մյուս մեղադրյալների փաստաբանները։ Բացի այդ՝ նույն դատախազին բացարկ հայտնելու առանձին միջնորդություն ներկայացրեց նաեւ սույն գործով մեղադրյալ, ՀՀ ՊՆ նախկին նախարար Սեյրան Օհանյանի պաշտպան Կարեն Մեժլումյանը։ Ներկայացված միջնորդություններն առարկեցին տուժող և մեղադրող կողմերը։

  • Դիտումներ՝ *