Նախկին փոխքաղաքապետ, իսկ այժմ Խմելնիցկիի շրջանի պետական արխիվի տնօրեն Վլադիմիր Բայդիչն իր շանը կապել է ավտոմեքենային և քարշ տվել 1.5 կմ: Խեղճ շունը ստիպված էր վազել իր «տիրոջ» մեքենայի հետևից: Այս մասին Facebook-ում հաղորդել են տարածաշրջանի կենդանիների պաշտպանների միությունից: Սրտացավ ականատեսները մորթազերծողին կանգնեցրել են Կրասիլովսկի շրջանում և պահանջել են շանն ազատ արձակել, իսկ դրանից հետո ոստիկանություն են կանչել:
Ինչպես բացատրել է պաշտոնյան, այդ կերպ նա ցանկացել է պատժել շանը, որն, իբր, կծել է նրա մորը: Շանը վերցրել են կամավորները. կանդանին ծանր վնասվածքներ է ստացել և այժմ գտնվում է կենդանաբուժական կլինիկայում:
Այս պահի դրությամբ կենդանիների նկատմամբ դաժան վերաբերմունքի համար պաշտոնատար անձին սպառնում է 3400-5100 գրիվենի չափով տուգանք կամ ազատազրկում՝ վեց ամսից երեք տարի ժամկետով: