Այսօր՝ նոյեմբերի 19-ին, Ազգային ժողովը շարունակում է աշխատանքը: Այժմ քննարկվում է Քրեական օրենսգրքում փոփոխություններ կատարելու մասին հարցը:
Ինչպես հայտարարեց արդարադատության նախարար Ռուստամ Բադասյանը՝ առաջարկվում է քրեական պատասխանատվություն սահմանել քրեական աստիճանակարգության բարձրագույն կարգավիճակ տալու, ստանալու կամ պահպանելու համար, քրեական ենթամշակույթ կրող խմբավորում ստեղծելու կամ ղեկավարելու համար:
«Պրակտիկ օրինակներով բացատրեք՝ այս անձը մասնակցե՞լ է քրեական ենթամշակույթ կրող խմբավորման հավաքին, թե՞ ոչ: Ռիսկեր կա՞ն արդյոք»,- նախարարին դիմեց «Իմ քայլը» խմբակցության պատգամավոր Ռուբեն Ռուբինյանը:
Պատգամավորը հետաքրքրվեց նաև, թե այս օրինագծի ընդունումից հետո իրական կյանքում ի՞նչ փոփոխություններ են լինելու, և, այսպես կոչված, քրեական աշխարհում ի՞նչ է տեղի ունենալու. «Դատելով հարևան Վրաստանի օրինակից՝ մեծ փոփոխություններ են տեղի ունեցել, այդ թվում՝ ֆիզիկական և աշխարհագրական»:
Մանրամասները՝ տեսանյութում:
