Այսօր՝ նոյեմբերի 19-ին, Ազգային ժողովը շարունակում է աշխատանքը: Այժմ քննարկվում է Դեղերի մասին օրենքում լրացում և փոփոխություն կատարելու մասին հարցը:
«Ինչ անուն ուզում եք դրան տվեք՝ ԶԼՄ-ներով հանրային իրազեկումը դեղերի գովազդ է»,- իր ելույթում հայտարարեց «Իմ քայլը» խմբակցության պատգամավոր Լուսինե Բադալյանը՝ հավելելով, որ եթե քաղաքացին ցանկանա տեղեկություն ստանալ որևէ դեղի մասին, նա կստանա ամենատարբեր ճանապարհներով:
Պատգամավորի խոսքով՝ այստեղ կոռուպցիոն ռիսկ կա. «Ես ձեզ չեմ կասկածում, բայց սա մի լավ հնարավորություն կլինի հետագա նախարարների համար իրենց ընկերությունը մի լավ գովազդելու կամ կոռուպցիոն մեխանիզմով մեկ այլ ընկերության հետ հարաբերություններ ստեղծելու համար»:
Մանրամասները՝ տեսանյութում: