Լուրեր
Եղան նախկին պաշտոնյաներ, որոնք սպառնում էին ինձ հայ աղջիկների թրաֆիքինգի թեման բարձրացնելու համար
  • 22:30
  • 2019-11-18
  • Դիտումներ՝ *

Մարդու կողմից մարդու շահագործումը բավականին հին երևույթ է, դրա հնագույն տարբերակը ստրկությունն էր, սակայն այսօր՝ 21-րդ դարում ևս սպիտակ ստրկությունը շարունակում է մնալ գլխավոր մարտահրավերներից մեկը: Թեմայի շուրջ «Առաջին լրատվական»-ը զրուցել է սփյուռքահայ գրող Վահան Զանոյանի հետ, որը երկու վեպ է գրել հայաստանցի աղջիկներին արտերկրում թրաֆիկինգի ենթարկելու թեմայով՝ հիմնված իրական դեպքերի վրա:

«Չորս հայաստանցի աղջիկների պատմությունը միացրել եմ: Նրանց հանդիպել եմ պատահաբար, երբ գործով Դուբայ էի գնացել: Նրանք վախեցած են, իրենց վախեցրել են, որ ուրիշներին չպատմեն իրենց պատմության մասին: Բավական երկար տևեց, մոտ 5-6 ամիս, մինչև կարողացա վստահությունը շահել և ծանոթանալ նաև ուրիշների հետ»,- նշեց գրողը հավելելով, որ աղջիկներին մոտենալու համար հաճախորդ է ձևացել:

«Ահավոր իրականություն է, այդ ոճիրի զոհին իրականում տեսնելն ընկճող է, անգամ այդ մասին վեպ գրելն է դժվար: Իմ գլխավոր նպատակն այս պատմությունը բացահայտելն էր այնպես, ինչպես որ էր, որպեսզի հանրային ուշադրություն գրավեի և որպեսզի պետական այն մարմինները, որոնց վստահված է այս հարցով զբաղվել, ավելի հետամուտ լինեն»,- նշեց Վահան Զանոյանը:

Գրողը նաև ընդգծեց, որ եղել են նախկին պաշտոնյաներ, որոնք սպառնացել են իրեն հայ աղջիկների թրաֆիքինգի թեման բարձրացնելու համար:

Մանրամասն՝ տեսանյութում:

  • Դիտումներ՝ *