Վարչապետ Նիկոլ Փաշինյանի հրամանագրի մեջ ամեն ինչ գրված է»,-«Առաջին լրատվական»-ի հետ զրույցում ասաց գլխավոր ռազմական տեսուչ Մովսես Հակոբյանը՝ անդրադառնալով իր ազատման պատճառներին։
Հիշեցնենք, որ այսօր Վարչապետ ՆԻկոլ Փաշիօնյանի հրամանով աշխատանքիաց ազատվել են գլխավոր ռազմական տեսուչ Մովսես Հակոբյանը, նրա առաջին տեղակալ Կամո Քոչունցը եւ տեղակալ Վաչագան Ներսիսյանը:
Մովսես Հակոբյանն ասաց, որ «շատ լավ, շատ դրական է գնահատում» իր ազատման որոշումը։
Հակոբյանն ասաց, որ իր ազատման հրամանին որեւէ լարվածություն, որեւէ տարաձայնություն չի հաջորդել։
Հնարավո՞ր է առաջիկայում սպասվելիք կառուցվածքային փոփոխություններով են պայմանավորված ձեր ազատումը, որից հետո Դուք վերանշանակվելու եք՝ հարցրեցինք Հակոբյանին, որից հետո հնչեց դրական պատասխան.«այո-այո»,-ասաց նա։
Մեր դիտարկմանը՝ Կամո Քոչունցին եւ Վաչագան Ներսիսյանին էլ է վերաբերում կառուցվածքային փոփոխություններից հետո վերանշանակվելը, Հակոբյանը պատասխանեց.«Այո»։
Նշենք, որ ըստ նախնական խոսակցությունների, ռազմական տեսուչի ինստիտուտը լուծարվելու է։ Այդ կառույցը ձեւավորվելու է ՊՆ-ի կազմում՝ իբրեւ ռազմական վերահսկողական ծառայություն։ Մովսես Հակոբյանը եւ նրա տեղակալները նշանակվելու են այս կառույցում։
