Վրաստանի իշխանությունները հայտարարել են, որ չնայած բողոքի ցույցերին, մտադիր չեն արտահերթ խորհրդարանական ընտրություններ անցկացնել: Այս մասին հայտնում է «ՌԻԱ Նովոստին»՝ հղում անելով իշխող «Վրացական երազանք» կուսակցության գլխավոր քարտուղար Կախա Կալաձեին:
Կալաձեն նշել է, որ հերթական ընտրություններին մնացել է մեկ տարուց պակաս ժամանակ, և որ դրանք անցկացվելու են խառը համակարգով, գործող սահմանադրության, սահմանված կանոնների և սահմանված ժամկետների համաձայն:
Նա ընդդիմախոսներին կոչ է արել պատրաստվել ընտրություններին:
Ընդդիմության գործողությունները, որոնք արգելափակել են խորհրդարանի մուտքը, իշխող կուսակցության գլխավոր քարտուղարն ապակառուցողական է անվանել:
Եվ հավելել է, որ եթե այդ գործողությունները չդադարեցվեն, ապա իշխանությունների կողմից «համապատասխան որոշում» կընդունվի: