Այսօր՝ նոյեմբերի 18-ին, Ազգային ժողովը շարունակում է աշխատանքը: Այժմ քննարկվում է Կոռուպցիայի կանխարգելման հանձնաժողովի անդամների ընտրության հարցը: Այս հանձնաժողովում 1-ական թեկնածուներ են առաջարկել կառավարությունը, «Իմ քայլը», «Բարգավաճ Հայաստան» և «Լուսավոր Հայաստան» խմբակցությունները և Բարձրագույն դատական խորհուրդը:
Կառավարությունը Կոռուպցիայի կանխարգելման հանձնաժողովի անդամի պաշտոնում առաջարկել է Լիլիթ Ալեքսանյանի թեկնածությունը:
Պատգամավոր Արման Բաբաջանյանի կարծիքով՝ կառավարությունը պետք է ներկայացներ պատճառները, թե ինչու են կանգ առել հենց այս թեկնածուի վրա. «Որովհետև սա առաջին դեպքն է նման հանձնաժողովի ստեղծման, և ըստ էության կոռուպցիայի դեմ պայքարի առաջին ինստիտուցիոնալ հիմքերն են դրվում»:
Նա հիշեցրեց ԵՄ դեսպանի հայտարարությունը, որ կոռուպցիան հասել է ազգային անվտանգության սպառնալիքի մակարդակի. «Հեղափոխությունից հետո բոլորովին այլ իրավիճակ ունենք, բայց դա պայմանավորված է մեկ հոգու կամքից»:
Դիմելով թեկնածուին՝ Արման Բաբաջանյանը նկատեց, որ հանձնաժողովը պետք է ստեղծվեր մրցութային կարգով. «Սակայն այդ պահանջը չպահպանվեց, և քաղհասարակությունը այս պահին ամբողջությամբ ներկայացված չէ, ինչը վերապահումներ կարող է առաջ բերել հանձնաժողովի աշխատանքի նկատմամբ: Ինչպե՞ս եք գնահատում մրցութային կարգի դուրս մնալը և ինչպե՞ս եք պատրաստվում աշխատել քաղհասարակության հետ»:
Մանրամասները՝ տեսանյութում:
