Այսօր՝ նոյեմբերի 18-ին, Ազգային ժողովը շարունակում է աշխատանքը: Այժմ քննարկվում է Կոռուպցիայի կանխարգելման հանձնաժողովի անդամների ընտրության հարցը: Այս հանձնաժողովում 1-ական թեկնածուներ են առաջարկել կառավարությունը, «Իմ քայլը», «Բարգավաճ Հայաստան» և «Լուսավոր Հայաստան» խմբակցությունները և Բարձրագույն դատական խորհուրդը:
Կառավարությունը Կոռուպցիայի կանխարգելման հանձնաժողովի անդամի պաշտոնում առաջարկել է Լիլիթ Ալեքսանյանի թեկնածությունը: Դիմելով թեկնածուին՝ «Իմ քայլը» խմբակցության անդամ Գայանե Աբրահամյանը հարցրեց. «Որքանո՞վ է կոռուպցիոն դրսևորում շահերի բախումը: Ի՞նչ գործիքակազմ կա սա վերահսկելու ուղղությամբ»:
Հիշեցնելով, որ թեկնածուն աշխատել է բանկային համակարգում և ստացել բարձր աշխատավարձ՝ պատգամավորը հետաքրքրվեց. «Արդյոք պատրա՞ստ եք ձեր բարձր աշխատավարձից հրաժարվել և 6 տարի ծառայել այս ոլորտում»:
Մանրամասները՝ տեսանյութում:
