Sunday Times թերթի լրագրողը, հղում անելով իր ձեռքում հայտնված գաղտնի փաստաթղթերի վրա, նյութ է հրապարակել, որտեղ հաղորդվում է, որ բրիտանական ռազմական հրամանատարները թաքցրել են իրենց զինվորների հանցագործությունները Աֆղանստանում և Իրաքում: Թերթը մասնակցել է հետաքննությանը, որի ընթացքում պարզվել է Մեծ Բրիտանիայի հատուկ օդադեսանտային ծառայության (SAS) զինծառայողներից մեկի հանցակցությունը սպանություններին, ինչպես նաև Black Watch գումարտակի անդամների մասնակցությունը այլ հանցագործությունների, օրինակ՝ ծեծ, բռնաբարություն, կտտանքներ և այլն:
Նշվում է, որ խոսքը Շոտլանդիայի թագավորական գնդի կազմի մեջ մտնող գումարտակի մասին է:
Որոշ տեղեկությունների համաձայն, ապացույցներն անտեսվել են քաղաքական նկատառումներով: Նշվում է, որ Բրիտանիայի պաշտպանության նախարարությունը ճնշում է գործադրել, որպեսզի գործերը հնարավորինս արագ փակվեն:
Ենթադրվում է, որ հանցագործությունների հետաքննությամբ կարող է Միջազգային քրեական դատարանը զբաղվել: