ԱՄՆ նախագահ Դոնալդ Թրամփը Հյուսիսային Կորեայի առաջնորդ Կիմ Չեն Ընին կոչ է արել հնարավորինս շուտ համաձայնության հասնել միջուկային զինաթափման հարցում և հայտարարել է, որ շուտով կհանդիպեն: Այս մասին Թրամփը գրել է Twitter-ի իր էջում:

«Դուք պետք է արագ գործեք, գործարք կնքեք: Շուտով կտեսնվենք»,- գրել է Թրամփը:

Նա նաև արձագանքել է ԿԺԴՀ կենտրոնական հեռագրական գործակալության վերջերս տարածած հաղորդագրությանը, որում նրա դեմոկրատ-հակառակորդ Ջո Բայդենին «կատաղած շուն» են անվանել: Թրամփը նշել է, որ Բայդենը կարող է լինել շատ «քնկոտ» և «դանդաղ», բայց «կատաղած շուն չէ». «նա ավելի լավն է»:

Ամերիկացի առաջնորդն իր մասին հավելել է, որ ինքը միակ մարդն է, որը կարող է ԿԺԴՀ-ին տանել «այնտեղ, որտեղ նա պետք է լինի»:

Mr. Chairman, Joe Biden may be Sleepy and Very Slow, but he is not a “rabid dog.” He is actually somewhat better than that, but I am the only one who can get you where you have to be. You should act quickly, get the deal done. See you soon! https://t.co/kO2k14lTf7

— Donald J. Trump (@realDonaldTrump) November 17, 2019