Սքարլեթ Յոհանսոնը, որը գլխավորում է տարվա ամենաբարձր վարձատրվող դերասանուհիների ցանկը, խոստովանեց, որ ցանկանում է հեռանալ կինոկարիերայից: Ըստ աստղի, կինոռեժիսորները նրա մեջ տեսել են միայն սեռական գեղեցկուհու, և շատ դժվար էր հակառակն ապացուցել, հայտնում է Hollywood Reporter-ը:
Սքարլեթ Յոհանսոնը անկեղծորեն խոսեց կարիերայի սկզբում բախված դժվարությունների մասին:
«20 տարեկանում, նաև դեռահաս տարիքում, երբ նոր էի սկսում նկարահանվել, հասկացա, որ մարդկանց աչքին հիպերսեքսուալ դարձել: Դա նորմալ էր թվում բոլորին, բայց շատ տարբեր էր իմ ներքին զգացողություններից», – հարցազրույցում ասում է «Մարվել» կինոտիեզերքի աստղը:
Դերասանուհին հավելեց, որ նման սեռականացված կերպարը կինոյի ոլորտում աշխատող տղամարդկանց գործն է: Նա նաև մտածում էր կինոնկարներում կարիերան թողնելու և ֆիլմերում չխաղալու մասին, քանի որ ցանկալի դերեր չի ստացել:
«Ես չգիտեի, թե ինչպես կարելի է ազատվել նաիվ գեղեցկուհու կամ ճակատագրական կնոջ դերից, քանի որ սա ամենևին էլ այն չէր, ինչ ուզում էի: Կարծում էի՝ գուցե ինձ ուրիշ՝ ավելի գոհացուցիչ աշխատանք է պետք այս արտադրության մեջ: Դերերի առումով, թվում էր, թե այլևս տեղ չկա»,- հիշում է Յոհանսոնը: