Բողոքի ցույցեր են սկսվել Իրանի մի շարք քաղաքներում այն բանից հետո, երբ կառավարությունը որոշում է կայացրե գազի գնի կրկնապատկման մասին:
Նոյեմբերի 15-ից Իրանը նաև քվոտաներ է մտցրել մանրածախ վառելիքի վաճառքի համար: Իրանի իշխանությունները նշել են, որ իրենց միջոցները ուղղված են կարիքավոր քաղաքացիներին օգնելուն: Բողոքի ցույցերի ընթացքում մեկ մարդ սպանվել է:
Ըստ IRNA-ի՝ ցույցերը սկսվել են ուրբաթ երեկոյան Իրանի առնվազն տասը քաղաքներում: Առավել սուր է իրավիճակը Սիրջանում, որտեղ բնակիչները փորձել են հարձակվել նավթի պահեստի վրա, բայց ոստիկանները կանխել են: Այսօր առավոտյան ցույցերը վերսկսվել են:
Իրանի իշխանությունների որոշմամբ՝ բենզալցակայաններում բենզինի գինն աճել է 50% -ով՝ 15 հազար իրանական ռիալից (մոտ 30 ամերիկյան ցենտ) հասնելով մինչև 30 հազարի: Բենզինի արտոնյալ գինը կրկնապատկվել է (մինչև 15 հազար իրանական ռիալ) յուրաքանչյուր անձի համար նախատեսված քվոտայի շրջանակներում:
Նոր կանոնների համաձայն՝ այս գնով մեքենայի տերերը կստանան ամսական մինչև 60 լիտր բենզին, մոտոցիկլետների սեփականատերերը՝ 25 լիտր: Տաքսիների վարորդների համար նախատեսված է 400 լիտր քվոտա:
https://www.youtube.com/watch?v=GP4E4wHxSkI