Ֆլորիդա նահանգի բնակիչներ 30-ամյա Ռայանը և 35-ամյա Շեյլա Օ’լարիի ամուսինները մեղադրվում են մեկուկես տարեկան որդու սպանության մեջ:
Ռայանն ու Շիլան համոզված վեգաններ են: Վեգանիզմը բուսակերության ամենալուրջ ձևն է, որը բացառում է կենդանական սնունդը: Զույգը խիստ սննդակարգ է սահմանել նաև իրենց երեխաների համար: Նրանք, բացի հում բանջարեղենից և մրգերից, գրեթե ոչինչ չեն ուտում:
Ամենակրտսերը չէր կարողացել դիմանալ այդպիսի սննդակարգին`չնայած այն բանին, որ մայրը ասում է, որ շարունակել է կրծքով կերակրել:
Շեյլան զանգահարել է փրկարար ծառայություն, երբ որդուն մահացած է գտել: Դիահերձման արդյունքում պարզվել է, որ տղան թեսնման պատճառով տառապել է հյուծվածությամբ։ 18 ամսական երեծան կշռել է մոտ 7,5 կիլոգրամ, ինչը համապատասխանում է յոթ ամսական երեխայի ցուցանիշին։
Ըստ Metro-ի՝ Շեյլան ասել է, որ տղայի մահվան օրը ինքը նկատել է, որ նա մակերեսային շնչառություն է ունեցել, և անհանգստացել է՝ որոշելով, որ այս հարցի շուրջ պետք է խորհրդակցի որևէ մեկի հետ: Բայց հետո նա և նրա ամուսինը քնել են: Եվ երբ նրանք արթնացել են, երեխան այլևս կյանքի նշաններ ցույց չի տվել: