ՆԱՏՕ հյուսիսատլանտյան դաշինքը էքզիստենցիալ ճգնաժամի ծանր ժամանակներ է ապրում: Այս մասին հայտարարել է «90/Կանաչների միություն» կուսակցությունից բունդեսթագի պատգամավոր Յուրգեն Տրիտինը, գրում է Der Spiеgel պարբերականը:
«Դաշինքը կորցնում է իր ամբողջականությունը»,- ասել է պատգամավորը:
Նա ասել է, որ ՆԱՏՕ-ի համար ծանր ժամանակներ են սկսվել և դաշինքն «ինքն իր ստվերն է դարձել»: Նրա կարծիքով, սա անհերքելի է: Նա օրինակ է բերել այն իրավիճակը, երբ դաշինքի անդամը ազգային անվտանգության համար սպառնալիք է համարել մարդատար ավտոմեքենաները Գերմանիայից:
Պատգամավորը համաձայնել է ֆրանսիայի նախագահ Էմանուել Մակրոնի՝ ՆԱՏՕ-ի «ուղեղի մահվան» մասին խոսքերի հետ:
«Իր գոյության 70-րդ տարում դաշինքը ավելի շուտ ինքն իր ստվերն է դարձել»,- եզրափակել է Տրիտինը: