«Առաջին լրատվական»-ի հետ զրույցում անդրադառնալով դիտարկմանը, որ Ազգային ժողովում կարծեք թե միտում է նկատվում անլրջացնելու, շեղելու աշխատանքը, «Լուսավոր Հայաստան» կուսակցության պատգամավոր, ԱԺ Ֆինանսավարկային և բյուջետային հարցերի մշտական հանձնաժողովի նախագահ Մանե Թանդիլյանը նշեց. «Բացարձակ ճիշտ եք. մանիպուլացնելու, արտահայտված մտքերը լրիվ այլ ուղղությամբ տանելու միտում կա, ինչն անընդունելի է, հատկապես երբ դա արվում է պետության առաջին դեմքի մակարդակով… Լուրջ և կարևոր երևույթ է ֆիսկալ քաղաքականությունը, և ֆիսկալ կանոնների չպահպանումը հղի է բազմաթիվ վտանգներով պետության համար՝ մակրոտնտեսության, առաջանցիկ տեմպերով տնտեսական զարգացման համար և այդ մասին մտահոգություն արտահայտելը անլրջացնելը և համարելը, որ աշխատավարձի բարձրացմանը դեմ լինելու արտահայտություն է, ուղղակի անընդունելի է»:
«Բյուջեի նախագիծը ես պատկերացնում էի ավելի բարեփոխված և միտված տնտեսության առաջանցիկ տեմպերին»,- նշեց մեր զրուցակիցը՝ հավելելով, որ շատ կարևոր է անդրադառնալ ենթակառուցվածքային նոր նախագծերին, որոնք պետք է էական տեղաշարժ նախաձեռնեին այսօր, որպեսզի վաղը տեսանելի լինեն դրանց արդյունքները:
Խոսելով կապիտալ ծախսերի հատկացումների մասին՝ Մանե Թանդիլյնաը նկատեց, որ բավականին մեծ գումարներ են տրամադրվում, բայց խնդիրն այն է, թե ինչպես են իրականանում ծրագրերը. «Փողը կա, բայց, ցավոք, գործ ունենք թերակատարումների, ապաշնորհության հետ»:
Մանրամասն տեսանյութում: