Բելգիայում գրանցվել է էլեկտրոնային ծխախոտ ծխելու հետևանքով առաջին մահվան դեպքը երկրում: Ըստ The Telegraph-ի ՝ Ռաֆայել Պաուերտը մահացել է 18 տարեկանում: Ծխելու սարքը նրան նվիրել է ընկերը` հենց իր 18-ամյակի կապակցությամբ:
Մահը վրա է հասել մեկ ամիս անց այն բանից հետո, երբ երիտասարդը սկսել է առողջական խնդիրներ ունենալ: Ամեն ինչ սկսվել է սովորական անմեղ հազից, այնուհետև հայտնվել է շնչառության վատթարացում: Եվ հետո Պաուերտը հիվանդանոց է ընկել շնչառական լուրջ խնդիրներ ունենալով: Թթվածնի մակարդակը մարմնում այնքան ցածր էր, որ նրան գցել են արհեստական բժշկական կոմայի մեջ: Տղայի թոքերը «քարացել էին»: Ի վերջո որոշվել է նրան անջատել սարքից:
«Պարզելու համար թոքաբորբի պատճառները, որոնք Ռաֆայելին կյանք արժեցան, բժիշկները ուսումնասիրեցին հնարավոր բոլոր պատճառները: Միակ վարկածը էլեկտրոնային ծխախոտն է»,- ասել է Պաուերտի հայրը: