Այսօր՝ նոյեմբերի 15-ին, Ազգային ժողովում շարունակում է քննարկվել 2020թ. բյուջեի նախագիծը:
«Այս բյուջեում մենք տեսնում ենք միտք, տեսնում ենք խոսք, բայց գործ չենք տեսնում»,- իր ելույթում հայտարարեց «Լուսավոր Հայաստան» խմբակցության պատգամավոր Տարոն Սիմոնյանը՝ մասնավորապես խոսելով դատաիրավական բարեփոխումների մասին:
«Մենք ունենք գյուղատնտեսություն, հողագործություն, որը ՀՀ մշակվող հողերի կեսից պակասն է: Այսինքն՝ ունենք ռեսուրս՝ հող, բայց ուղեղը չենք աշխատեցնում եղածը օգտագործելու, օգտագործում ենք կեսից պակասը»,- նշեց նա:
Տարոն Սիմոնյանի խոսքով՝ այս բյուջեն պետք է բեկումնային լիներ: Նա, խոսելով տարբեր մարտահրավերներում տարած հաղթանակների մասին, ընդգծեց. «Այսօր մենք կանգնած ենք մեկ այլ մարտահրավերի՝ հուզականությունից դեպի ռեալ, գիտելիքով զինված կյանք տանող մարտահրավերի առաջ: Այս մարտահրավերի հաղթահարումը մենք պետք է տեսնեինք 2020թ. բյուջեում»:
Մանրամասները՝ տեսանյութում: