Այսօր՝ նոյեմբերի 15-ին, Ազգային ժողովում շարունակում է քննարկվել 2020թ. բյուջեի նախագիծը:
«Այս բյուջեն տնտեսական հեղափոխություն իրականացնելու հնարավորություն չունի: Այս բյուջեն կոչված է պաշտպանելու այն, ինչ կա, և որոշակի տոկոսներով ավելացնելու բոլոր ոլորտներում: Արդյունքը 4,9 տոկոս տնտեսական աճն է»,- հայտարարեց «Լուսավոր Հայաստան» խմբակցության պատգամավոր Կարեն Սիմոնյանը:
Նրա խոսքով՝ որևէ մեկը չէր քննադատի իշխող ուժին, եթե կրթության, գիտության ոլորտում բյուջեից հատկացումներն ավելանային ոչ թե 20 մլրդ-ով, այլ 200-300 մլրդ-ով:
«Բյուջեն չի օգտվում այն հնարավորությունից, որը մեզ կարող էր տալ կառավարությունը, չի կարողանում արտացոլել զարգացման առաջնահերթությունները»,- ընդգծեց նա:
Մանրամասները՝ տեսանյութում: