ԱՄՆ նախկին նախագահ 95-ամյա Ջիմի Քարթերը, որը ներգանգային ճնշումն իջեցնելու վիրահատության էր ենթարկվել, այժմ լավ է իրեն զգում և արդեն քայլում է։
Այս մասին հայտնել է նախկին նախագահի ընտանիքի քահանան՝ հաղորդում է Atlanta Journal-Constitution-ը։
«Նա լավ տրամադրություն ունի, արդեն վեր է կենում և քայլում»,- ասել է քահանա Թոնի Լոուդենը:
Ավելի վաղ Քարթերի կենտրոնը հայտնել է, որ նախկին նախագահը հաջողությամբ ներգանգային ճնշումն իջեցնելու պրոցեդուրա է անցել: Վերջին մեկ տարվա ընթացքում Քարթերին հոսպիտալացրել էին կողոսկրի կոտրվածքով։ Նա նաև կոտրել էր ազդրի վզիկը, որի պատճառով նրան վիրահատել էին։
Քարթերն ԱՄՆ նախագահն է եղել 1977-1981 թվականներին: Նա ԱՄՆ բոլոր նախկին նախագահներից ամենատարեցն է: Վերջին տարիներին Քարթերը բուժվել է ուղեղի քաղցկեղից: