Այսօր՝ նոյեմբերի 14-ին, Ազգային ժողովում շարունակում է քննարկվել 2020թ. բյուջեի նախագիծը:
«Եթե կառավարությունը չընդունի ձեր առաջարկները, պատրա՞ստ եք դեմ քվեարկել նախագծին»,- կրթության հարցերով համազեկուցող Հովհաննես Հովհաննիսյանին հարցրեց «Լուսավոր Հայաստան» խմբակցության պատգամավոր Գևորգ Գորգիսյանը:
Ի պատասխան՝ Հովհաննիսյանն ասաց. «Դուք հիմա նախատրամադրում եք կառավարությանը, որ մեր առաջարկները մերժեն: Ես «եթե»-ներով չէի առաջնորդվի: Մենք խոհեմ և հաշվարկված առաջարկներ ենք անում, եկեք չտրամադրվենք դեպի վատը: Դուք էլ տրամադրվեք դեպի լավը»:
Գորգիսյանը նկատեց. «Դուք ավելի շատ խնդրողի, քան պահանջողի դերում եք. ուզում եմ հասկանալ, որ նաև դուք եք պատրաստ պաշտպանել Ազգային ժողովի պատիվը»:
Մանրամասները՝ տեսանյութում: