ԱԺ պատգամավոր Արման Բաբաջանյանը ֆեյսբուքյան իր էջում գրել է․
Հարգելի հայրենակիցներ,
Ուղիղ մեկուկես ամիս է մնացել ամանորյա տոներին և բոլորս, անկախ տարիքից, զբաղմունքից ու նախասիրություններից ունենք Ամանորի մեր սպասումը, մեր երազանքն ու մեր ակնկալիքները:
Դժբախատաբար, Ամանորը լուսավոր ու պայծառ գույներով են անցկացնում ոչ բոլորը, մեր հազարավոր հայրենակիցներ սոցիալական պատճառներով զրկված են իրենց երեխաներին այդ տոնը պարգևելու հնարավարությունից: Սպասել, որ բոլոր այդպիսի ընտանքիներում միանգամից կլուծվեն սոցիալական խնդիրները և երեխաները իրական տոն կստանան, իհարկե, անմտություն է: Հետևաբար, յուրաքաչնյուրս պարտավոր ենք մեր հնարավարությունների սահմաններում փորձել լուծել այդ խնդիրը, եթե անգամ դրանով թեկուզ մեկ երեխայի ամանորյա տրամադրություն է ապահովվելու:
Հազարավոր այդպիսի ընտանիքներից թեկուզ մի քանի հարյուր երեխաներին ամանորյա տոն պարգևելու համար ցանկանում եմ հանդես գալ սահմանամերձ բնակավայարների և ապրիլյան պատերազմի նահատակների երեխաների համար ամանորյա նվերներ ձեռք բերելու նախաձեռնությամբ:
Առաջարկում եմ միայն գաղափարը և բաց եմ դրա իրագործման նպատակով բոլոր տեսակի առաջարկների համար:
Կոչ եմ անում իմ պատգամավոր գործընկերներին՝ անկախ քաղաքական ու ֆրակցոին պատկանելությունից, միանալ այս նախաձեռնությանը: Այդ նպատակով նվիրաբերում եմ պատգամավորի իմ դեկտեմբեր ասմվա աշխատավարձը:
Բազմաթիվ առիթներ ունեցել եմ նշելու, որ բոլորս պարտք ունենք սահմանամերձ բնակավայրերում ապրող մեր հայրենակիցների ու առավել ևս ապրիլյան պատերազմում զոհված հայորդիների երեխաների առաջ: Ամանորը հրաշալի հնարավորություն է թեկուզ խորհրդանշականորեն հատուցելու այդ տուրքն ու հարգանքը այդ երեխաների առաջ:
Հայցում եմ բոլորի նախաձեռնողականությունն ու մասնակցությունը:
Լուսանկարներում՝ Վայոց ձորի սահմանապահ՝ Խնձորուտ և Բարձրունի համայնքների մանկահասակ երեխաներն են։
https://www.facebook.com/babajanyana/posts/2843296905701018?__tn__=-R