Թուրքիայի կողմից ռուսական C-400 ԶՀՀ-երի ձեռքբերումը մեծ մարտահրավերներ է ստեղծում Վաշինգտոնի և Անկարայի հարաբերությունների համար, հայտարարել է Դոնալդ Թրամփը:
«Թուրքիայի կողմից ռուսական բարձրտեխնոլոգիական սարքավորումների, ինչպիսին է C-400-ը, ձեռբերումը մեզ համար որոշ շատ լուրջ բարդություններ է ստեղծում, և մենք կանոնավոր կերպով քննարկում ենք դա, քննարկել ենք այսօր և քննարկելու ենք հետագայում»,- ասել է ԱՄՆ նախագահը՝ Ռեջեփ Թայիփ Էրդողանի հետ Վաշինգտոնում կայացած բանակցությունների արդյունքների վերաբերյալ համատեղ ասուլիսի ժամանակ:
Թրամփը հույս է հայտնել, որ այս իրավիճակը հնարավոր կլինի լուծել: Նրա խոսքերով՝ երկու երկրների առաջնորդները խնդրել են արգործնախարարներին և ազգային անվտանգության հարցերով երկու երկրների խորհրդականներին «C-400»-ի խնդրի լուծման վերաբերյալ անհապաղ միջոցներ ձեռնարկել:
Իր հերթին էրդողանը հայտարարել է, որ Թրամփի հետ քննարկել է C-400-ի և ամերիկյան նորագույն F-35 կործանիչների ձեռք բերման հարցը:
Էրդողանը հավելել է, որ Թուրքիան առաջվա պես պատրաստ է բանակցել ամերիկյան Patriot ՀՕՊ համակարգերի ձեռք բերման շուրջ: