Լուրեր
Սատանիստական կաթսայից կերածները հիմա դեպրեսիայի մեջ են՝ գդալ չկա. Վարչապետը՝ Արթուր Մանուկյանին
  • 19:34
  • 2019-11-13
  • Դիտումներ՝ *

Այսօր՝ նոյեմբերի 13-ին, Ազգային ժողովը շարունակում է աշխատանքը: ԱԺ-Կառավարություն հարցուպատասխանի ժամանակ «Իմ քայլը» խմբակցության պատգամավոր Արթուր Մանուկյանի հարցը առնչվում էր «ՀուԶանք և Զանգ» ներկայացմանը. «2,7 մլն դրամ ծախսը արդյոք արդարացվա՞ծ էր այս ներկայացման համար. հնչեցին նաև այլ որակումներ՝ սատանիստական և այլն»:

Նա անդրադարձավ նաև ԿԳՄՍ նախարարության նոր նախագծի շուրջ բարձրացված աղմուկին. «Պահանջում են նախարար Արայիկ Հարությունյանի հրաժարականը. ո՞րն է այս հարցի հանգուցալուծումը»:

Ի պատասխան՝ վարչապետ Փաշինյանն ասաց. «Պետք է մի հատ պարզել վիճակագրությունը, թե երբ կոռուպցիան Հայաստանում թևածում էր աննախադեպ մասշտաբներով, այդ նույն մարդիկ քանի՞ հոգու հրաժարական են պահանջել»:

Փաշինյանը նաև հավելեց. «Արվեստը հենց դրանով է արվեստ, որ միշտ միանշանակ չի. եկեք բացենք, թե  Փարաջանովի գործերի մասին ինչ էին ասում: Հիմա ոնց պարզեմ, պարոն Մանուկյան, ձեր հարցը սատանիստական է, թե՞ ոչ, կամ իմ պատասխանը սատանիստակա՞ն է, թե՞ չէ: Հայաստանում պայքար է գնում սակավագիտության և լայնամտության միջև: Գերանները չպիտի տանք ձեռքները, ասենք՝ ում ուզում եք վառեք»:

Վարչապետի խոսքով՝ զինվորին թալանելուց ավելի սատանիստական բան չկա. «Էդ մարդիկ ոչ միայն հրաժարական չեն պահանջել, այլև էդ սատանիստական կաթսայից ուտելիս են եղել, և հիմա դեպրեսիայի մեջ են՝ գդալ չկա»:

 

Մանրամասները՝ տեսանյութում:

  • Դիտումներ՝ *