Այսօր՝ նոյեմբերի 13-ին, Ազգային ժողովը շարունակում է աշխատանքը: ԱԺ-Կառավարություն հարցուպատասխանի ժամանակ «Լուսավոր Հայաստան» խմբակցության պատգամավոր Գևորգ գորգիսյանի հարցն առնչվում էր այն մարդկանց, ովքեր պատրաստ են Հայաստանում ներդրումներ կատարել, բայց պատշաճ վերաբերմունքի չեն արժանանում. «Ինչպե՞ս անենք»:
«Ուղղակիորեն կպատժվեն այն պաշտոնյաները, ովքեր պարզվի, որ պատշաճ արձագանք չեն տալիս ներդրողների առաջարկներին»,- պատասխանեց վարչապետը:
Վարչապետը նշեց նաև հարցի հակառակ կողմի մասին. «Ասա՝ ինչ գիրք ես կարդում, ասեմ՝ ով ես դու: Եթե Հոմերոս ես կարդում, ուրեմն ստախոս ես: Ներդրումների հարցում ինձնից ավելի շահագրգիռ մարդ չկա. բացառված է»:
Պատգամավորի խոսքով՝ իրեն դիմած մի գործարար 3 ամիս չէր կարողանում վարձակալել կամ գնել կիսաավեր տարածք՝ գործարան կառուցելու համար. «Իրավունք չունենք հեղափոխությունից հետո ներդրումների ներգրավման պաշարը մսխելու»:
Մանրամասները՝ տեսանյութում: