Այսօր՝ նոյեմբերի 13-ին, Ազգային ժողովը շարունակում է աշխատանքը: ԱԺ-Կառավարություն հարցուպատասխանի ժամանակ «Իմ քայլը» խմբակցության պատգամավոր Սերգեյ Մովսիսյանը հետաքրքրվեց. «Արդյոք իրավական կարգավորումները բավարա՞ր են քրեական ենթամշակույթը արմատախիլ անելու համար»:
Վարչապետ Նիկոլ Փաշինյանն ասաց, որ իրենց քաղաքական թիմը որոշել է, որ այդ ենթամշակույթի հերոսացումը պետք է արմատախիլ արվի, որովհետև դա կոռուպցիայի ամենամեծ ուղեկիցն է։
Փաշինյանը բացատրեց օրինակով. եթե դպրոցում գողություն ու չարաշահում է լինում, երեխաները կարող են հայտնել այդ մասին, բայց քրեական մշակույթն ասում է՝ հո դուք գործ տվո՞ղ չեք։ Այդպես է, ըստ Փաշինյանի, նաև այլ տեղերում։
«Եթե կան մարդիկ, այդ թվում՝ քաղաքական գործիչներ, այդ թվում՝ պատգամավորներ, որոնք մտածում ենք, թե այս հարցում կոմպրոմիսներ են լինելու, և որոնք մտածում են, որ էս օրենքի հետ կապված կարող են միջնորդավորված ձևով պատգամավորի սպառնալ, օրինակ՝ հարցի հարակից զեկուցողներին, ուղիղ ասում ենք՝ կպառկեցնենք ասֆալտին։ Հանկարծ մտքներով չանցնի։ Կպառկեցնենք ասֆալտին ու կտանք պատերով բառիս բուն իմաստով՝ նախկին կլինի, ներկա կլինի»,- ասաց Փաշինյանը։
Վարչապետը խոստացավ, որ եթե ականջներին օղ չանեն, այդ տեսարանները կհայտնվեն իրականության մեջ. «Որևէ մեկը չմտածի, որ ՀՀ երկրորդ քաղաքի կեսը թալանել է, կարող է թպրտալ»։
Մանրամասները՝ տեսանյութում:
