Այսօր՝ նոյեմբերի 13-ին, Ազգային ժողովը շարունակում է աշխատանքը: Այժմ քննարկվում է Տարածքային կառավարման մասին օրենքի նախագիծը 2-րդ ընթերցմամբ ընդունելու մասին հարցը:
«Համայնքների խոշորացումը ի՞նչ արդյունք է տվել, խոշորացված համայնքների բնակիչների դիրքորոշումները ուսումնասիրե՞լ եք»,- տարածքային կառավարման փոխնախարար Վաչե Տերտերյանին հարցրեց պատգամավոր Արման Բաբաջանյանը:
Պատգամավորը տեղեկացրեց, որ անցյալ շաբաթ օրը ինքն այցելել է Տավուշի մարզի Ոսկեվան համայնք. «Գյուղի 14 փողոց գազիֆիկացման խնդիր ունի. «Գազպրոմ Արմենիան» կամայական գներ է առաջարկում խողովակի, ներկի համար, և գյուղացիները դժգոհում են: Իսկ գազ սպառողների ներտնային տեխնիկական ծառայություններ մատուցող՝ Կարեն Կարապետյանին պատկանող «Էյ-Ի-Ջի»-ն ֆիկտիվ ընկերություն է, որը մեր ամբողջ ազգաբնակչությունից փող է հավաքում առանց բարեխիղճ ծառայություն մատուցելու: Ձեր նախարարությունը պետք է դիտարկի այս ծառայությունները պետությանը՝ ԱԻՆ-ին վերապահելու հարցը»:
Մանրամասները՝ տեսանյութում: