Պաղեստինցի արմատականները նոյեմբերի 13-ի առավոտյան Գազայի հատվածից մի քանի հրթիռ են արձակել Իսրայելի ուղղությամբ: Այդ մասին հայտնել Է Իսրայելի պաշտպանության բանակը: «Գազայի հատվածից հոծախումբ հրթիռակոծում Իսրայելի ուղղությամբ»,- ասված Է Twitter-ում բանակի մամուլի ծառայության հաղորդագրության մեջ։
Al Arabiya հեռուստաալիքի տվյալներով՝ Իսրայելի «Երկաթե գմբեթ» հակաօդային պաշտպանությունը Գազայից արձակված մի քանի հրթիռներ Է կալանել Բեյթ Շեմեշ քաղաքի եւ հրեական պետության հարավի մի քանի բնակավայրերի երկնքում:
Նոյեմբերի 12-ին իսրայելացի զինվորականները հայտնել են Գազայի հատվածի տարածքից Իսրայելի դեմ արձակված 190 հրթիռների մասին:
Նրանց տվյալներով՝ «Երկաթե գմբեթը» խոցել Է հրթիռների շուրջ 90 տոկոսը, որոնք վտանգ Էին ներկայացնում խաղաղ բնակիչների համար: Հրթիռների կեսն ընկել Է բաց տեղանքում։
