Այսօր՝ նոյեմբերի 13-ին, Ազգային ժողովը շարունակում է աշխատանքը: ԱԺ կանոնակարգ օրենքում լրացում կատարելու և Անվտանգության խորհրդի կազմավորման մասին օրենքում փոփոխություն կատարելու մասին հարցի քվեարկությանը դեմ քվեարկեց «Լուսավոր Հայաստանը» և ձեռնպահ՝ «Բարգավաճ Հայաստանը»:
Ինչպես հայտարարեց «Իմ քայլը» խմբակցության պատգամավոր Վլադիմիր Վարդանյանը՝ ընդդիմադիր խմբակցությունները որևէ հիմնավորում չեն ներկայացրել դեմ և ձեռնպահ քվեարկելիս:
«Դուք ի՞նչ իրավունքով եք ցուցում տալիս երկու քաղաքական ուժերի, որ նրանք պիտի հիմնավորում ներկայացնեն ձեզ, թե ոնց են քվեարկելու»,- հայտարարեց «Բարգավաճ Հայաստան» խմբակցության պատգամավոր Միքայել Մելքումյանը:
Նրա խոսքով՝ կա քաղաքական որոշում և մասնագիտական որոշում. «Մենք երբ կողմ ենք քվեարկում, շատ հաճախ մեր կուսակցական շահը ստորադասում ենք պետականին»:
Նա նշեց, որ երեկ 15-20 հոգի հակադարձել են մեկ ելույթի. «Ի՞նչ ենք մենք ուզում: Ձեզ չի՛ հաջողվի մեզ ցուցումներ տալ. մենք մեր տեսակետները արտահայտելու ենք: Եթե գնաք այդ ճանապարհով, դուք դնում եք ժողովրդավարության ճգնաժամի սկիզբը. դա ձեզ չի հաջողվելու: Խոշորները մնում են և հեղափոխությունից հետո, և հեղափոխությունից առաջ. մենք մնալու ենք հաստա՛տ»:
Մանրամասները՝ տեսանյութում:
