People պարբերականը հրապարակել է տարվա ամենահմայիչ տղամարդու կոչման առաջին հավակնորդների լուսանկարները, իսկ հաղթողը կընտրվի ընթերցողների քվեարկության արդյունքների համաձայն:
Մինչ այժմ հայտարարվել են չորս՝ «Ռեալիթի շոուի ամենասեքսուալ աստղ», «Ամենասեքսուալ և զվարճալի», «Ամենագրավիչ ատլետ», «Ամենաոճային» անվանակարգերի մասնակիցները:
«Ռեալիթի շոուի ամենասեքսուալ աստղ» անվանակարգում ներկայացված են դերասան և հեռուստահաղորդավար Էնթոնի Պորովսկին, հոկեյիստ Մայք Ջոնսոնը, մոդել Թայլեր Քեմերոնը, դերասան Թոմ Սանդովալը և պարող Վել Չմերկովսկին:
«Ամենասեքսուալ և զվարճալի» անվանակարգում հայտարարված են կոմիկներ Թրեվոր Նոյը, Ջոն Մալեյնին, Ռոբ Դելանին, Հասան Մինհաջը և Կումեյլ Նանջիանին:
«Ամենագրավիչ ատլետ» կոչման համար կպայքարեն բասկետբոլիստ Ստեֆան Քարին, ավտոմրցարշավորդ Դարել Ուոլեսը, թենիսիստ Ռաֆայել Նադալը, հոկեյիստ Մայք Ֆիշերը և լողորդ Մայքլ Ֆելփսը:
«Ամենաոճային» անվանակարգը կարող է բաժին հասնել հիփ-հոփ կատարող A $ AP Rocky-ին, դերասաններ Դոնալդ Գլովերին, Էդի Ռեդմեյնին, Հենրի Գոլդինգին կամ Ջեֆ Գոլդբլյումին:
Այլ անվանակարգերի հավակնորդները կհայտարարվեն ավելի ուշ: Քվեարկության արդյունքները հայտնի կդառնան նոյեմբերի 15-ին: