Մեկ ոտքից զրկված բրիտանուհին սոցցանցում խումբ է ստեղծել՝ նմանատիպ իրավիճակում հայտնված օգտատերերի կամ տարբեր չափսի կոշիկների կարիք ունեցողների միջև կոշիկներ փոխանակելու համար, գրում է Metro-ն:
Անգլիական Թենդերդենից 46-ամյա Ջո O’Քելագանը տառապել է նյարդային համակարգի հազվագյուտ խանգարմամբ, ինչի արդյունքում բժիշկներն անդամահատել են նրա աջ ոտքը: Վիրահատության նախօրեին նա Facebook-ում ստեղծել է «Ջոի ավելորդ կոշիկը» (Jo’s Odd Shoes) խումբը և առաջարկել է բաժանորդներին օգնել միմյանց՝ փոխանակելով կոշիկների չօգտագործվող զույգերը:
Վերջույթներից զրկված կամ տարբեր չափերի ոտնաթաթ ունեցող օգտատերերը գնահատել են նրա գաղափարը: «Ես գիտեի, որ ես միակ մարդը չեմ, ում ընդամենը մեկ կոշիկ է պետք», «Ես պատմության մեջ ընկա, որի պատճառով վեց ամիս չէի կարողանում կոշիկ կրել աջ ոտքիս», «Մենք օգնում ենք ոչ միայն նրանց, ովքեր կարող են միայն մեկ կոշիկ կրել, այլև նրանց, ովքեր տարբեր չափի ոտնաթաթեր ունեն», գրել են նրանք:
Նշվում է, որ խմբի բաժանորդները փոխանակումը կատարում են անվճար, ցանկության դեպքում, ստացողները կարող են վճարել միայն փաթեթավորման և առաքման համար: O’Քելագանը և նրա օգնականներն իրենց տրամադրության տակ մշտապես մոտ հազար տարբեր տեսակի կոշիկներ ունեն: