Լուրեր
Դատական գործընթաց ենք սկսել ատենախոսությանս առնչվող ապօրինությունների հետ կապված. Ռուբեն Հայրապետյան
  • 22:15
  • 2019-11-12
  • Դիտումներ՝ *

Նախորդ տարվա դեկտեմբերին Հայաստանի պետական տնտեսագիտական համալսարանի ռեկտորի պաշտոնակատար էր նշանակվել նույն բուհի դասախոս, տնտեսագիտության դոկտոր, Հայաստանի ամենաերիտասարդ պրոֆեսոր Ռուբեն Հայրապետյանը: Այս տարվա օգոստոսին Ռուբեն Հայրապետյանը հրաժարվեց պաշտոնից: Դրան նախորդեցին և հաջորդեցին մի շարք աղմկահարույց պատմություններ, այդ թվում նաև դատական հայց:

Ռուբեն Հայրապետյանին բուհի դասախոսները մեղադրում են դոկտորական ատենախոսությունում գրագողություն կատարելու մեջ: «Առաջին լրատվական»-ի հետ թեմայի շուրջ զրույցում Ռուբեն Հայրապետյանը նշեց, որ նաև քրեական գործ է հարուցվել. «Ինձ մեղադրում էին երկու արձակուրդ և մեկ պարգևավճար տրամադրելու մեջ. աբսուրդային քրեական գործ…» ՀՊՏՀ նոր ղեկավարության նախաձեռնած քրեական գործի վարույթն արդեն պաշտոնապես կարճվել է՝ հանցակազմի բացակայության հիմքով:

«Իմ դոկտորական ատենախոսության հետ կապված կեղծ աղմուկը նույնպես աբսուրդի ժանրից է,- նշեց Ռ. Հայրապետյանը՝ հավելելով, որ իր դեմ արշավ է սկսվել այն բանից հետո, երբ ինքը սկսել է պայքարել տարբեր տեսակի երևույթների՝ այդ թվում նաև գիտական աշխատանքների ցածր որակի դեմ, և այդ գործընթացը գագաթնակետին է հասել, երբ ստեղծվել է ապօրինի և ոչ կոմպետենտ հանձնաժողով:

Մեր զրուցակիցը նաև հավելեց, որ թեև բարի համբավը դատական կարգով չէ, որ պետք է վերականգնվի, արդեն հայտնի է, որ մեղադրանքները շինծու են եղել, այնուամենայնիվ դատական գործընթաց է սկսվել՝ իր ատենախոսության առնչվող ապօրինությունների հետ կապված:

Մանրամասն տեսանյութում:

  • Դիտումներ՝ *