Այսօր՝ նոյեմբերի 12-ին, ԱԺ հայտարարությունների ժամին «Իմ քայլը» խմբակցության պատգամավոր Արման Եղոյանը, անդրադառնալով ԿԳՄՍ նախարարության շուրջ վերջին աղմկահարույց դեպքերին, նշեց. «Ցանկանում եմ խոսել իբր նախարարի դեմ, իսկ իրականում՝ կառավարության դեմ, ավելի ճիշտ՝ վարչապետի դեմ նեղ կուսակցական շահերով պայմանավորված, սակայն հեռուն գնացող քաղաքական նպատակներ հետապնդող այս աղմուկի մասին»:
Նրա խոսքով՝ նպատակը հենց աղմուկ բարձրացնելն է ու այդ ֆոնին կառավարության վարկանիշի անկման իմիտացիա ստեղծելը. «Ասվում է, որ բուհերի ինքնավարությունն ուժեղացնելը ապազգային, մեր ազգային ինքնությանը հարվածող ու խարխլող առաջարկ է: Այս պնդումը պառակտիչ է»:
Պատգամավորը նշեց, որ ՀՀ բնակչության կեսը չունի բարձրագույն կրթություն. «Հիմա ի՞նչ, նրանց ազգային գիտակցությունն ավելի նվա՞զ զարգացած է, քան բուհերում մեկ տարի դասին նստածների՞: Էլ չեմ խոսում մեր աշխարհասփյուռ հայրենակիցների մասին, որ սովորել են օտար բուհերում»:
Մանրամասները՝ տեսանյութում: