Այսօր՝ նոյեմբերի 12-ին, ԱԺ հայտարարությունների ժամին «Բարգավաճ Հայաստան» խմբակցության պատգամավոր Նաիրա Զոհրաբյանը հայտարարեց, որ վերջին շրջանում իրեն զվարճացնում է հնի-նորի արհեստական դիսկուրսը. «Ստացվում է, որ գիրք կարդալը, սեփական լեզուն, գրականությունն ու պատմությունը իմանալը հին մտածողություն է, իսկ էդ ամեն ինչը հերքելը նյու-կոսմոպոլիտիզմի վերջին ճիչն է»:
Նրա խոսքով՝ գիրք կարդալը, սեփական լեզուն, գրականությունն ու պատմությունը իմանալը սուպերժամանակակից է. «Կարծում եմ՝ ինձանից ավելի լայնախոհ քիչ քաղաքական գործիչ կա: Եթե մենք հանրակրթական դպրոցներում տայինք այնպիսի պրոդուկտ, ապա այսօր առկա դիսկուրսը գուցեև չլիներ»:
Պատգամավորը ընդգծեց. «Քանի՞ պատգամավոր է մոտենում ամբիոնին և ասում՝ «հարցը կայանում է նրանում»: Հարցը որևէ դեպքում չի կարող «նրանում կայանալ», կարող է լինել «հարցը այն է»: Եկեք թեստ անցկացնենք մեր պատգամավորների և պետական պաշտոնյաների մեջ ու պարզենք՝ քանի՞սն են «մեղանչել բառը հասկանում որպես «ապաշխարել». երևի 70 կամ 80 տոկոսը»:
Մանրամասները՝ տեսանյութում: