Թուրքիայի նախագահ Թայիփ Էրդողանը չի բացառել, որ Եվրամիությանն իր երկրի անդամակցության վերաբերյալ բանակցությունները կարող են «մի օր դադարել»: Թուրքիայի ղեկավարն այս մասին հայտարարել է երեքշաբթի Անկարայում կայացած մամուլի ասուլիսի ժամանակ՝ Միացյալ Նահանգներ թռիչքից առաջ:
«(ԵՄ) պատժամիջոցներ է կիրառում մեր դեմ 1959 թ.-ից ի վեր: Մեզ միշտ շեղել են խոստումներով, որ մեզ ընդունելու են (ԵՄ): Սակայն խոստումներն այդպես էլ իրականություն չեն դարձել: Դուք պետք է իմանաք, որ այսօր Թուրքիան երկիր է, որը նստում է ձեզ հետ բանակցությունների սեղանի շուրջ, բայց այդ սեղանը կցված չէ մեզ, (բանակցությունները) մի օր կարող են ավարտվել»,- ասել է նախագահը:
ԵՄ-ն սկսել է բանակցություններ վարել Թուրքիայի հետ դեռ 2005 թ.-ից, բայց այժմ այդ գործընթացը գործնականում սառեցված վիճակում է՝ ֆորմալ առումով Հունաստանի և Կիպրոսի կողմից դրա խոչընդոտման պատճառով, իսկ փաստացի՝ ԵՄ առաջատար պետությունների, առաջին հերթին Ֆրանսիայի և Գերմանիայի, այս երկիրը որպես Եվրամիության ապագա անդամ դիտարկելու սկզբունքային անհամաձայնության հետ: