Ֆրանսիայի, Գերմանիայի և Մեծ Բրիտանիայի արտգործնախարարները մեկնաբանել են Իրանի իշխանությունների հայտարարությունները՝ Ֆորդոյի գործարանում ուրանի հարստացումը սկսելու մասին:
Նշվում է, որ դիվանագիտական ներկայացուցչությունների ղեկավարները անհանգստություն են հայտնել այս հայտարարությունների կապակցությամբ, ինչպես նաև կոչ են արել Թեհրանին չխախտել միջուկային գործարքը:
Իրենց հայտարարության մեջ երեք երկրների նախարարները հիմնվել են ԱՏԷՄԻԳ-ի նոյեմբերի 11-ի զեկույցի վրա: Բացի այդ, նախարարները կոչ են արել Իրանին չհրաժարվել Համատեղ համապարփակ գործողությունների ծրագրով նախատեսված պարտավորություններից և անմիջապես վերադառնալ դրանց: