Alibaba ընկերությունը նոյեմբերի 11-ին, որը Չինաստանում հայտնի է որպես Միայնակ սրտերի կամ մեծ զեղչերի օր, նոր ռեկորդ է սահմանել՝ ավելի քան 38,4 միլիարդ դոլարի առևտուր անելով: Այս մասին հաղորդում է South China Morning Post պարբերականը:
Նշվում է, որ վերջնական թվերը 26%-ով գերազանցում են անցյալ տարվա նույն օրվա արդյունքներին: Ինչպես նշում է պարբերականը՝ առաջին 68 վայրկյանների ընթացքում ընկերությունը 1 միլիարդ դոլարի ապրանք է վաճառել:
Միայնակ սրտերի օրը Չինաստանում տոնվում է 11-րդ ամսի 11-ին. այս օրը առցանց խանութները իրենց հաճախորդների համար զանգվածային զեղչեր են կազմակերպում: