Աշխարհում միլիարդատերերի թիվը շարունակում է աճել, չնայած այն բանին, որ անցյալ տարին անբարենպաստ է եղել նրանց բանկային հաշիվների համար։
Ներկայում աշխարհում հաշվվում է մոտ 2101 միլիարդատեր՝ 589 մարդով կամ 38.9 %-ով ավելի շատ, քան հինգ տարի առաջ, համաձայն UBS Billionaire Insights-ի 2019թ.-ի զեկույցի, հայտնում է CNBC-ը։
Այդ նույն հնգամյակում նրանց ընդհանուր կարողությունը աճել է ավելի քան 1/3-ով և հասել է 8.5 տրիլիոնի։ Զեկույցը ներառում է 2013-2018 թթ․ տվյալներ։
Ամերիկյան միլիարդատերերը միակն են, որոնց հարստությունը աճել է 0.1 %-ով։ Տարվա վերջի տվյալներով, տարածաշրջանում ապրում էր մոտ 749 միլիարդատեր՝ 3.6 տրիլիոն գումարային ունեցվածքով։
Սակայն Ասիական-Խաղաղօվկիանոսյան տարածաշրջանում նախկինի պես ապրում են ամենաշատ միլիարդատերերը՝ 754 մարդ, որոնց կարողությունը կազմում է 2.5 տրիլիոն դոլար։
Ընդ որում, Չինաստանին բաժին է ընկնում տարածաշրջանի միլիարդատերերի 43 %-ը, Հնդկաստանին՝ 14 %-ը, Հոնկոնգին՝ 9 %-ը, իսկ Ճապոնիային՝ միայն 4 %-ը։
Եվրոպայում, Մերձավոր Արևելքում և Աֆրիկայում անցյալ տարի միլիարդատերերի թիվը կրճատվել է 5 %-ով՝ հասնելով 598 մարդու, որոնց ունեցվածքի ընդհանուր չափը կազմել է 2.4 տրիլիոն դոլար։
Նաեւ նշվում է միլիարդատերերի շարքն անցնող կանանց թվի նկատելի աճի մասին։ Ներկայում աշխարհում հաշվվում է 233 միլիարդատիրուհի, որը 46 տոկոսով ավելի է, քան 2013 թվականին: