Միացյալ Նահանգները հետեւում են Բոլիվիայում իրադարձությունների զարգացմանը եւ երկրի նախագահ Էվո Մորալեսի պաշտոնաթողությանը՝ բոլոր կողմերին կոչ անելով ձեռնպահ մնալու բռնությունից: Այդ մասին ՏԱՍՍ-ին հայտարարել Է Պետդեպարտամենտի Արեմտյան կիսագնդի գործերի բաժնի պաշտոնական ներկայացուցիչը:
«Մենք հետեւում ենք Բոլիվիայում արագ զարգացող իրադարձություններին եւ նախագահ Էվո Մորալեսի, ինչպես նաեւ փոխնախագահ Ալվարո Գարսիա Լիներայի պաշտոնաթողությանը»-, ասել Է նա: «Մենք ԱՊԿ-ին (Ամերիկյան պետությունների կազմակերպությանը) կոչ ենք անում առաքելություն ուղարկելու Բոլիվիա նոր ընտրական գործընթացին հետեւելու եւ այն բանն ապահովելու համար, որպեսզի Նոր բարձրագույն ընտրական դատարանը լինի իսկապես անկախ եւ արտացոլի Բոլիվիայի հասարակության (հայացքների) լայն սպեկտրը: Բոլիվաիայի ժողովուրդն արժանի Է ազատ եւ արդար ընտրությունների երկրի Սահմանադրության շրջանակներում»,- ընդգծել Է դիվանագետը:
Նոյեմբերի 10-ին Մորալեսը հայտարարել Է, որ թողնում Է պետության ղեկավարի պաշտոնը այն անկարգությունների պատճառով, որոնք վերաճել են բողոքի ակցիաների իր վերընտրման դեմ: Փոխնախագահ Ալվարո Գարսիա Լիներան նույնպես պաշտոնաթողություն Է խնդրել: Բոլիվիայի Սահմանադրության համաձայն՝ նախագահի եւ փոխնախագահի պաշտոնաթողության դեպքում հերթում հաջորդներն են Սենատի նախագահը եւ Պատգամավորների պալատի ղեկավարը, բայց Ադրիանա Սալվատիերան եւ Վիկտոր Բորդան նույնպես պաշտոնաթողություն են խնդրել:
Հետագա կարգն ամրագրված չԷ բոլիվիական օրենքներում, սակայն Սենատի երկրորդ փոխխոսնակ Ժանին Անիեսը հայտարարել Է, որ կստանձնի նախագահի պաշտոնակատարի պարտավորությունները, այդպես նա պետք Է զբաղեցնի վերին պալատի նախագահի տեղը Սալվատիրայի եւ նրա առաջին տեղակալի պաշտոնաթողությունից հետո:
